介紹碟剎文 (碟剎新手必讀)

孟璋 · 发表于 2012-12-30 23:12:17

本帖最后由孟璋于 2012-12-30 23:11 编辑

{碟剎}必要之配件:
碟盒
XTR是Centerlock盒
DT240是IS,6孔盒

車架碟碼: IS Mount 上面/ Post-Mount下面

碟剎種類
線碟 (機械式)

原理
同V制/C夾無分別, 用威也拉動, 從而令Brake Pad壓向剎車碟產生磨擦力減速

好處
重量中等, 最大優點係平, 普通shimano/tertko線鮑可以500元有找, bb7都係1千元有找. 制手可以自己再配. 簡單方便, 靠威也, 唔受溫度濕度影響

壞處
剎車力十分有限 (相比油碟), 手感不太好, 威也會拉長導致手感會改變, 單邊Brake pad作動,左右Brake pad 會磨蝕程度不一
油碟

原理
制手拉動制手入面既pump, 制手行多少, pump行多少
成套油制入面, 油管、鮑魚、制手都充滿油
pump推油:由制手->油管->活塞從而令brake pad壓向剎車碟
好處

輕手, 大部份油制都可以用較細既力度去拉brake lever, 因為制手入面既pump會將力量放大去推動剎車皮剎車
E.g. 用1既力量去拉制手, Pump會將力量x1.5 變成1.5力量去剎車。用2既力量, 就變左3去剎車
所以每間廠既放大率唔同, 會有唔同手感同力量出現
但最終目的係想減低手指用既力量同埋增加剎車力量

自動補油 - 因為剎車皮會蝕, 會令剎車皮同剎車碟距離慢慢變大。但油制既好處係會自動補油填左呢段空間, 令到剎車既手感同力量不變。
( 所以要自己睇剎車皮幾時無哂)

壞處
第一貴, 孖遮油碟(對向活塞), 大部份起跳都要幾百至一千不等.
高級如Hope tech V2, Magura MT8, Avid Elixir 9/XX/CR Mag, Shimano XTR 等等都要幾千蚊
Elixir XX vs BB7 已經爭好幾倍...

基本上分兩種油, Dot 油 (AVID, Hayes, Hope...etc) 同礦物油 (Magura, Shimano )
首先兩種油唔可以混搭, 入錯有排煩

其次, 油制長期唔用要換油, 有可能會令油入面既沉積物積死在活塞。
再者, 保護較煩, 換油是可以入氣, 要更多工具/技術/步驟去完成換油程序

因為設計上液壓係密封係系統, 如果油封用耐了, 係要更換, 不然就會滲油/無有制了

Dot油對氣溫/濕度更加敏感, 有天生吸水既特質, 一段時間就會變質, 較難服侍

兩種油都係液態, 高溫長拖會有機會令它氣化, 剎車力會衰減 (熱衰退), 要求更高剎車技術。

力量太強, 新手不懂控制可能易剎反車/lock呔等
碟剎好壞

線制
輕, 可以調較左右剎車皮
因為線制主要用死一邊皮, BB5/BB7既好處就係可以調較紅色個制, 將皮移出/移入。
唔好的線制是看的位都比較少, 可能要成個拆出黎看, 但不可將皮移出移入, 一邊皮蝕得太多會令隻碟偏側。

油制
輕, 手感明顯, 線性, 力量足夠, 保養容易, 可靠性高
由於油制已經發展成熟, 如果一對xc油制不連碟還重過一對線制的話(650g左右)就絕對重

手感明顯, 比較個人, 所以呢段都好個人感覺
有人喜歡avid較淋既手感, 但比較一致, 但較熱之後會衰退令剎車感模糊

有人鍾意shimano較硬少少既手感, 可以好明顯感覺剎車力度
shimano有servo-wave技術, 頭段用1:1, 尾段用1:3咁既比例去剎車, 主要係減低剎車時手指所用的力量

線性
其實都比較個人習慣, 有人說formula係有強勁既力量但沒有線性, 變相一係剎車力不足, 一就剎車力過大, 造成難以控制速度
好的油制應該線性, 剎車時初段同尾段既力量唔會有2-step好似開關制咁出現, 而是較柔和, 循序漸進的出現。
(呢兩個因素都比較主觀, 所以好大比例係取決於自己, 落手試下先知)

力量

簡單講, 好科學去比較, 剎車距離。不lock呔的情況下, 20km/h去看, 剎車距離最短一定最好。
(*當然, 越大力越易Lock, 所以20km/h黎講應該可以搵到剎車力足夠既制掛)
ps: bike radar既brake test有更詳細既測試

保養容易

基本上, 所以大部份的油制都好好的啦
但!! 有一點制較易漲制,要勤保養,
E.g. : Avid Juicy系列, 舊款Hope, Hayes 9那些都是較出名漲制的
當然, 保養得好就咩制都基本上無問題。(除左隻制本身有問題)

可靠性

剎車用來減速, 如果低速收到車, 高速無有制就大件事
所以一定要可靠, 靠它收車嘛
熱衰退較線性會好。能夠承受較高熱力的更加好。
但有點制可能承受到高溫, 但一過某一個溫度就會無制, 那種就不夠可靠